Лукашэнка загадаў, каб да канца года заробкі склалі 500 долараў
Пра гэта ён заявіў 3 траўня, прымаючы з дакладам старшыню Федэрацыі прафсаюзаў Леаніда Козіка.
Па словах Лукашэнкі, якія перадае БЕЛТА, некаторыя кіраўнікі пачалі хавацца за яго ж фармулёўку: "ёсць прадукцыйнасць працы — ёсць заработная плата, няма прадукцыйнасці — няма зарплаты". Кіраўнік дзяржавы заявіў, што прадукцыйнасць працы трэба павялічваць, а адпаведна — і заробкі.
У сваю чаргу, кіраўнік афіцыйных прафсаюзаў паведаміў па занепакоенасць тым, што рост коштаў часам апярэджвае рост прыбыткаў.
Нагадаем, што сярэдні заробак па краіне склаў 500 долараў у канцы 2010 года. Фінансавы крызіс 2011 года многія эканамісты тлумачаць не ў апошнюю чаргу гэтым неабгрунтаваным ростам заробкаў.
