Лукашэнка правядзе прэс-канферэнцыю для расійскіх СМІ
Для гэтага ў Беларусь прыехала 86 расійскіх журналістаў.
Сёння кіраўнік дзяржавы Аляксандр Лукашэнка дасць прэс-канферэнцыю для прадстаўнікоў расійскіх СМІ. У 10.45 Першы нацыянальны канал Беларускага радыё пачне прамое ўключэнне з залы Нацыянальнай бібліятэкі, дзе будзе праходзіць сустрэча Лукашэнкі з журналістамі. У вячэрнім тэлеэфіры Першага нацыянальнага тэлеканала, а таксама каналаў ОНТ і СТВ будзе паказана тэлеверсія прэс-канферэнцыі.
У дзевятым па ліку прэс-туры па Беларусі, які праходзіць з 4 па 7 кастрычніка, удзельнічаюць 86 журналістаў з чатырох дзясяткаў суб'ектаў Расійскай Федэрацыі, паведамляе БелТА.
