Лукашэнка хоча ўдасканаліць сістэму агульных судоў
Не выключана, што ў Беларусі нават з’явіцца суд прысяжных.
10 кастрычніка кіраўнік краіны зацвердзіў Пасланне аб перспектывах развіцця сістэмы агульных судоў краіны. У Пасланні змешчаныя канкрэтныя даручэнні. Яны тычацца далейшага падвышэння якасці, аператыўнасці і даступнасці правасуддзя. Мяркуецца стварыць спецыялізаваныя суды, увесці з цягам часу элементы апеляцыі ў крымінальны працэс з далейшым пашырэннем іх выкарыстання ў крымінальным і грамадзянскім працэсах. Таксама мяркуюць пашырыць практыку разгляду справаў на выязных судовых пасяджэннях.
Таксама будуць разглядаць пытанне пра ўвядзенне суда прысяжных. Сярод іншых праектаў — перадаць органам ЗАГС паўнамоцтвы па скасаванні шлюбаў па ўзаемнай згодзе сужэнцаў, інфармуе БЕЛТА.
