Лукашэнка: да канца года сярэдні заробак будзе 500 долараў
Кіраўнік Беларусі ў аўторак заслухаў даклады ўраду і Нацбанку пра працу эканомікі ў 2012-м і пра планы на наступны год.
Між іншым, у чарговы раз Аляксандр Лукашэнка паведаміў, што да канца года сярэдні заробак дасягне 500 долараў:
"Сярэдні заробак у нас вырас амаль да 4 мільёнаў рублёў. Гэта крыху больш за 470 долараў. Да канца года мы гарантавана выйдзем у сярэднім на 500 далараў... Але нельга забываць, што рост заробку разам з ростам прадукцыйнасці працы застаецца галоўным прынцыпам нашай працы. Мы павінны даць людзям магчымасць зарабляць грошы”.
Нагадаем, што заробак ў 500 долараў беларусы ўжо мелі перад прэзідэнцкімі выбарамі 2010 года.
