Лукашэнка: Да канца 2014 года ў нас будуць двухпавярховыя цягнікі!
У чацвер кіраўнік дзяржавы сустрэўся з гендырэктарам швейцарскай кампаніі "Штадлер Рэйл Груп" Петэрам Шпулерам.
Гаворка ішла пра тое, што будаўніцтва ў Беларусі прадпрыемства па вытворчасці электрацягнікоў сумесна са згаданай кампаніяй ідзе хутчэй, чым планавалася. Аляксандр Лукашэнка адзначыў, што праект важны з-за перспектывы забеспячэння ўнутранага рынку сучасным электратранспартам. Таму рэалізацыю праекта ён узяў пад свой кантроль.
У лістападзе сёлета ў Фаніпалі мусіць быць запушчанае сумесная беларуска-швейцарская вытворчасць. А ўжо да снежня 2014-га на заводзе вырабяць першыя двухпавярховыя цягнікі. Першыя замовы на іх прыйшлі з Расіі, інфармуе тэлеканал АНТ.