Лукашэнка: "Беларуськалій" за $8 млрд не прадаецца, толькі за $30-32 млрд
У аўторак кіраўнік дзяржавы наведаў Салігорскі раён і адно з найлепшых беларускіх прадпрыемстваў.
Аляксандр Лукашэнка выказаўся наконт таго, што "ўсе хочуць за 8 мільярдаў купіць увесь камбінат". Паводле яго словаў, на такія прапановы ён адказвае "да пабачэння" і што "такіх цэнаў няма". Лукашэнка заявіў, што "Беларуськалій" ацэнены на 30-32 мільярды долараў. Пры гэтым кантрольны пакет акцый прадавацца не будзе.
Як паведамляе БЕЛТА, кіраўнік дзяржавы адзначыў, што спяшацца з продажам прадпрыемства не будзе.
Фота — bymedia.net
