Праваабаронцы нагадаюць аб салідарнасці з Алесем Бяляцкім
У панядзелак прэс-канферэнцыю ў Мінску правядуць праваабаронца Валянцін Стэфановіч, старшыня БАЖ Жанна Літвіна і кіраўнік Руху за Свабоду Аляксандр Мілінкевіч.
Да іх далучацца таксама старшыня Беларускага Хельсінскага камітэта Алег Гулак і адзін з кіраўнікоў Форуму грамадзянскай супольнасці Сяргей Мацкевіч, паведамляе “Наша Ніва”.
Паводле звестак Радыё Свабода, прэс-канферэнцыя будзе прысвечаная міжнароднай кампаніі ў абарону праваабаронцы Алеся Бяляцкага, які ад пачатку жніўня знаходзіцца за кратамі.
