Лекар, які здаў Някляева, пайшоў на павышэнне

Раней Сірэнка быў галоўным лекарам мінскай Больніцы хуткай дапамогі. Пасля падзеяў 19 снежня яму забаронены ўезд у краіны ЕС і ЗША. 

Як адзначае "Народная Воля", Сірэнка 4 гады ўзначальваў адзін Лякарню хуткай дапамогі. За гэтыя гады ў клініцы быў зроблены капітальны рамонт, медустанова набыла суперсучаснае абсталяванне, пад яе дахам сабраўся штат высокапрафесійных лекараў. 

Але вядомасць доктар Сірэнка атрымаў зусім з іншай нагоды. У ноч пасля прэзідэнцкіх выбараў 19 снежня 2010 года з клінікі, якой кіраваў Сірэнка, быў выкрадзены і сілком вывезены збіты кандыдат у прэзідэнты Уладзімір Някляеў. У гэты момант Сірэнка быў у клініцы, але ні ён, ні хто-небудзь з яго падначаленых не перашкаджаў такому абыходжанню з пацыентам рэанімацыйнага аддзялення. 

Акрамя таго, менавіта Сірэнка змяніў дыягназ Някляева. Спярша Някляеву паставілі дыягназ закрытая чэрапна-мазгавая траўма лёгкай ступені, гематомы левай арбіты, удары мяккіх тканак. Праз пару гадзін, калі кандыдата ў прэзідэнты ўжо выкралі, Сірэнка выдаў даведку, у якой дыягназ "чэрапна-мазгавая траўма" там не значыўся.