Кудрын: Расія і Беларусь могуць на працягу месяца дамовіцца па крэдыце
Кудрын: "Я б жадаў, каб мы скончылі на працягу месяца, але гэта залежыць ад характару (перамоў - рэд.), могуць быць цяжкасці з пытаннямі, якія мы разбіраем".
Расія і Беларусь могуць завяршыць перамовы па ўмовах фінансава-крэдытнага супрацоўніцтва на працягу месяца, распавёў журналістам віцэ-прэм'ер, міністр фінансаў Расіі Аляксей Кудрын, паведамляе РИА Новости.
Беларусь звярнулася да ўрада РФ па крэдыт у 1 мільярд долараў і да антыкрызіснага фонду ЕўрАзЭС па крэдыт у 2 мільярды долараў. Гэтыя пазыкі неабходныя краіне для стабілізацыі сітуацыі на валютным рынку, дзе назіраецца сур'ёзны недахоп замежнай валюты.