Хлопцы пад Быхавам хацелі скрасці 52 метры чыгуначных рэек
Спроба крадзяжу адбылася каля вёскі Кузькавічы, паведамляе сайт магілёўскай абласной міліцыі.
29-гадовы быхавец і двое такога ж ўзросту магілёўцаў спрабавалі разабраць вузкакалейную чыгуначную дарогу. Падчас гэтай працэдуры яны і былі затрыманыя.
Кошт рэек ацанілі ў 5 мільёнаў рублёў. Хлопцам пагражае да чатырох год пазбаўлення волі.
