КДБ затрымала гендырэктара кампаніі "Мазырсоль"
Міхаіла Літвіна арыштавалі падчас атрымання хабару.
Як паведамляе БелаПАН, 57-гадовага кіраўніка прадпрыемства затрымалі ў яго працоўным кабінеце. На дырэктара "Мазырсолі" пачалі крымінальную справу. Яго пасадзілі ў СІЗА КДБ.
Яго абвінавацілі ў атрыманні хабару ў асабліва буйным памеры. Літвіну пагражае да 15 гадоў пазбаўлення волі з канфіскацыяй маёмасці.