КДБ даслаў шведам позвы праз e-mail
Пэру Кромвэлу, Томасу Мазэцці і Ханне-Ліне Фрэй афіцыйна прапануецца з'явіцца на допыт да следчага.
Позвы перакладзеныя на англійскую мову і апублікаваныя на афіцыйным сайце КДБ. Арганізатарам "цацачнага дэсанту" прапануецца прыбыць да следчага на працягу 10 дзён. Пры сабе яны мусяць мець пашпарт або іншы дакумент, які сведчыць асобу. Пра час прыезду ім трэба паведаміць у КДБ загадзя. Калі шведы праігнаруюць позвы, ім пагражае да 6 месяцаў пазбаўлення волі.
Як паведамляе партал TUT.BY, позвы адпраўлены праз электронную пошту. Падпісаў іх следчы П.Цярнаўскі.
