Капрылес адмяніў акцыю прыхільнікаў апазіцыі у Венесуэле
Акцыя пратэсту ў Каракасе мусіла адбыцца ў сераду. Яе ўдзельнікі збіраліся патрабаваць пераліку галасоў на прэзідэнцкіх выбарах.
Новаабраны прэзідэнт краіны Нікалас Мадура заявіў, што не дазволіць мітынг. Гэта адбылося пасля таго як падчас пратэстаў супраць вынікаў выбараў загінулі прынамсі сем чалавек, адзначае ВВС.
Капрылес абвінаваціў урад у правакацыіі гвалту, каб пазбегнуць пераліку галасоў. Сваіх прыхільнікаў ён заклікаў на знак пратэсту біць па рондалях і патэльнях.
Мадура павінен прынесці прэзідэнцкую прысягу 19 красавіка.
Фота — AFP
