Інтэрнэт-рэвалюцыянеры абвясцілі “Ігнор Выбарам 2012”
“Рэвалюцыя праз сацыяльныя сеткі” 24 красавіка правяла ў Мінску чарговую акцыю.
Актывісты гэтай ініцыятывы замацавалі на аўтобусе №100 плакат “Ігнор Выбарам 2012”. Аўтобус праехаў так увесь свой маршрут, а мінакі і пасажыры з цікаўнасцю рэагавалі на плакат. Некаторыя нават уголас выказвалі сваю салідарнасць, інфармуе прэс-служба “Рэвалюцыі праз сацыяльныя сеткі”.
Самі інтэрнэт-рэвалюцыянеры так тлумачаць сэнс сваёй акцыі: “Выбары ў нашай краіне — пусты гук. Усе разумеюць гэта, а таксама тое, што яны нічога не вырашаюць і проста дэкарацыя для дыктатара і спосаб легалізацыі яго ўлады. Таму мы не словам, а адразу справай падключаемся да моладзевай кампаніі “Ігнор 2012”.
