Хакеістаў “Дынама” могуць пакараць за дрэнную гульню
Аб гэтым падчас сустрэчы з камандай паведаміў Кіраўнік назіральнага савета ХК “Дынама-Мінск” Юры Бародзіч.
Ён сустрэўся з хакеістамі перад матчам з “Дынама-Рыга”, а таксама адразу пасля гульні. Старшыня назіральнага савета адзначыў, што страта ачкоў камандай з улікам турнірных задач і яе патэнцыялу недапушчальная, паведамляе афіцыйны сайт клуба.
Бародзіч не выключыў жорсткіх мер і заявіў, што ад дынамаўцаў чакаюць выніковай гульні ў любых абставінах.
Нагадаем, што ў Рызе “Дынама-Мінск” прайграла з лікам 1:2. Гэта ўжо чацвёртая запар параза беларускага клуба.
