"Грынпіс": Трагедыя ў Японіі — шанец для Лукашэнкі
Гаворка ідзе пра магчымасць годна выйсці з тупіковай сітуацыі з будаўніцтвам беларускай АЭС.
Сітуацыя, што склалася пасля радыецыйных аварый у Японіі, дае беларускаму прэзідэнту магчымасць прыгожа сысці з гульні ў будаўніцтва АЭС. Пра гэта заявіў на прэс-канферэнцыі ў Мінску кіраўнік энергетычнага аддзела "Грынпіс" Расіі Уладзімір Чупроў.
На думку Чупрова, беларускае кіраўніцтва цалкам можа выкарыстаць настрой грамадскасці як шанец пазбавіцца ад свядома правальнага з эканамічнага пункту гледжання праекта, паведамляе "Ежедневник".
