Грошы з фонду ЕўрАзЭС у Беларусь так і не трапілі
Антыкрызісны фонд (АКФ) ЕўрАзЭС з тэхнічных прычынаў не можа дакладна сказаць, калі ў Мінск прыйдуць 440 мільёнаў долараў.
Нагадаем, што менавіта столькі складае чацвёрты транш стабілізацыйнага крэдыту, які фонд мае пералічыць у Беларусь.
У прэс-службе Еўразійскага банка развіцця журналістам interfax.by паведамілі, што праводзіцца тэхнічная праца.
Нагадаем, што рашэнне пра вылучэнне крэдыту было прынятае 7 снежня на паседжанні Савета Антыкрызіснага фонду ЕўрАзЭС. Аднак 17 снежня прэс-служба банка таксама спасылалася на тэхнічныя цяжкасці пры пераліку грошай.
