Грошы апазіцыі прынясуць прыбытак дзяржаве
Падатковыя органы кантралююць прыбыткі, якія беларуская апазіцыя атрымлівае з-за мяжы. І нагадваюць пра неабходнасць заплаціць падаткі.
Пра гэта заявіў сёння на прэс-канферэнцыі намеснік начальніка Галоўнага упраўлення падаткаабкладання фізічных асобаў Міністэрства па падатках і зборах Міхаіл Рассолька. Ён адзначыў, што падаткавікі пры гэтым аналізуюць "Розную інфармацыю, у тым ліку і ў СМІ".
Рассолька нагадаў, што прыбыткі, атрыманыя за мяжой або з-за мяжы, падлягаюць дэклараванню і, адпаведна, падаткаабкладанню. "Гэта тычыцца ўсіх грамадзянаў", — падкрэсліў ён.
Фота: belapan.com
