Графіцістам з Горак пагражае да шасці год турмы
Хлопцы цягам паўгода размалёўвалі сцены дамоў, наносячы на іх графіці, якія прапагандавалі здаровы лад жыцця.
Аднак у выніку супраць іх была ўзбуджаная крымінальная справа па артыкулу “Хуліганства”. Следчы Андрэй Шугаёў адзначае, што суд над графітыстамі можа не адбыцца ў тым выпадку, калі яны цалкам кампенсуюць уласнікам будынкаў панесеныя матэрыяльныя страты.
Вядома, што хлопцы выплацілі ўжо каля двух мільёнаў рублёў стратаў, а на некаторых сценах дамоў надпісы замаляваны свежай фарбай, інфармуе сайт horki.info. Трэба таксама адзначыць, што акрамя пазбаўлення волі графіцістам пагражае адлічэнне з Горацкай сельскагаспадарчай акадэміі, студэнтамі якой яны з’яўляюцца.
