Генеральны сакратар Савета Еўропы: Беларусь мусіць вызваліць палітвязняў
Турб'ерн Ягланд сёння зрабіў заяву адносна нашай краіны на пасяджэнні Парламенцкай Асамблеі ў Страсбургу.
"Мой цвёрды намер — працягваць выяўляць актыўную пазіцыю і гатоўнасць уступіць у канструктыўны дыялог і супрацоўніцтва, — цытуе словы Ягланда Радыё Свабода. — Аднак тэмпы гэтага працэсу будуць залежаць ад прагрэсу, які Беларусь дэманструе ў сферах дэмакратыі і правоў чалавека".
Паводле слоў генеральнага сакратара Савета Еўропы, ад Беларусі найперш чакаецца скасаванне смяротнага пакарання і вызваленне палітычных зняволеных.
Фота — democraticbelarus.eu
