Фрылансер Антон Сурапін пасля ператрусу не выходзіць на сувязь
Яго праводзілі ў пятніцу ў кватэры сябра Беларускай асацыяцыі журналістаў супрацоўнікі КДБ.
Як паведаміў сайт "Хартыя-97", супрацоўнікі спецслужб высвятлялі, адкуль у журналіста — стваральніка і рэдактара сайта Belarusian News Photos здымкі шведскіх плюшавых мядзьведзікаў. Пасля гэтага ніякай інфармацыі ад Сурапіна не было. Як паведамляе прэс-служба Беларускай асацыяцыі журналістаў, старшыня арганізацыі Жанна Літвіна спрабавала ў другой палове дня высветліць яго месцазнаходжанне, але тэлефоны ў КДБ не адказвалі.
Нагадаем, што "дэсант плюшавых мядзведзікаў" быў выкінуты над Мінскам і Івянцом 4 ліпеня. Акцыю здзейснілі шведскія пілоты, якія вылецелі з тэрыторыі Літвы. Афіцыйныя беларускія ўлады адмаўляюць сапраўднасць звестак пра гэтую акцыю. Тым не менш, з'явілася інфармацыя, што праверкай займаецца прэзідэнцкая камісія.
