Фотафакт ― Х'ю Лоры наведаў Музей Вялікай Айчыннай вайны
Заўтра знакаміты актор і музыкант дасць канцэрт у Мінску.
Пра тое, што галоўны герой знакамітага серыяла House M.D. наведвае музей Вялікай Айчыннай вайны, Еўрарадыё даведалася амаль выпадкова. Наш карэспандэнт адразу ж накіраваўся да музею, каб паразмаўляць з акторам.
Аднак нават сфатаграфаваць нармальна яго не атрымалася. Як толькі Лоры выйшаў з будынку ў цёмнай кепачцы і з кніжкамі ў руках ― ахоўнікі з агенцтва Allstars спынілі ўсе спробы, ламаючы тэхніку і штурхаючы журналіста ўніз па сходах.
Спадзяемся, што на заўтрашнім канцэрце арганізатары не будуць перашкаджаць глядзець на зорку.
