Еўракамісія перадала антыпірацкае пагадненне на юрыдычную экспертызу
Еўрапейскі суд праверыць яго на адпаведнасць законам аб свабодзе слова і інфармацыі, а таксама аб абароне прыватных звестак і інтэлектуальнай уласнасці.
Як паведамляюць "Нямецкія хвалі", Еўракамісія такім чынам зрэагавала на шматлікія і масавыя пратэсты супраць пагаднення па абароне інтэлектуальнай уласнасці, якія сёлета прайшлі па краінах ЕС. Праціўнікі пагаднення бачаць у ім спробу абмежаваць свабоду ў інтэрнэце.
Нагадаем, што праз масавыя пратэсты шэраг краін, а сярод іх Чэхія і Польшча, адмовіліся ад ратыфікацыі антыпірацкага пагаднення, а Нямеччына вырашыла яго не падпісваць.
