Эпідэмія грыпу сёлета будзе слабейшай, чым летась
Такія прагнозы спецыялісты робяць на падставе таго, што ў гэтым сезоне была прышчэпленая траціна насельніцтва краіны.
Колькасць тых, хто прайшоў вакцынацыю, у гэтым годзе на 10% болей, чым летась. Таксама верагодна, што некаторыя грамадзяне яшчэ зробяць прышчэпку за свой кошт, лічаць галоўны эпідэміёлаг Мінздароўя Іна Карабан.
Уздым захворванняў на грып у Беларусі традыцыйна пачынаецца ў канцы студзеня — пачатку лютага. Сёлета будуць цыркуляваць тыя самыя штамы віруса, што і летась, інфармуе БЕЛТА.
