Дзень тэатра "Свабодны тэатр" адзначыў абнаўленнем спектакля New York'79
Еўрарадыё прапануе вам эксклюзіўны відэафрагмент першага пасля вяртання ў Беларусь выступа "Свабоднага тэатра" у Мінску.
"Хто яшчэ не быў тут?" — запытаўся перад пачаткам спектакля рэжысёр New York'79 Уладзімір Шчэрбань. Траціна залі падняла рукі. "Ну вось, а хацелі зрабіць невялічкі прагляд для сяброў", — усміхнуўся рэжысёр.
Вяртанне "Свабоднага тэатра" да мінскіх гледачоў адбылося 27 сакавіка 2011 года — у Міжнародны дзень тэатра, што само па сабе сімвалічна. Акцёры выйшлі да гледачоў з новай версіяй спектакля New York'79 паводле рамана амерыканскай пісьменніцы Кэці Акер. Прэм'ера пастаноўкі адбылася 4 чэрвеня 2010 года.
Прапануем вашай увазе відэафрагмент, запісаны ў залі. Гэта некалькі хвілінаў, якімі пачынаецца спектакль — першае з’яўленне акцёраў на мінскай публіцы пасля працяглых амерыканскіх гастроляў. Папярэджваем: у спектаклі шмат нецэнзурнай лексікі. New York'79 — гэта твор для дарослых!
