Домрачава выцягнула беларусак у дзясятку наймацнейшых у эстафеце
Дзякуючы яе чыстай стральбе і хуткай хадзе на апошнім этапе гонкі, жаночая зборная заняла 8-е месца на этапе Кубка свету ў Сочы.
Каманда выступала ў складзе: Надзея Скардзіна, Людміла Калінчык, Надзея Пісарава, Дар’я Домрачава. Першыя тры этапы былі для беларусак няўдалымі і перад тым, як эстафету атрымала Домрачава, каманда знаходзілася на 12-м месцы.
Выйгралі гонку немкі, на другім месцы — украінкі, на трэцім — каманда Нарвегіі.