Да 2014 года Мінск увойдзе ў дзясятку найбольш чыстых гарадоў свету?
Такі прагноз выказаў начальнік камітэта прыродных рэсурсаў і аховы навакольнага асяроддзя Мінгарвыканкама Аляксандр Баравікоў.
Баравікоў: "Па якасці паветра мы дзесьці пятыя-шостыя ў свеце. Восьмыя-дзевятыя — па павярхневых водах. Па чысціні і навядзенні парадку — у першай тройцы. Засталося вырашыць праблему другасных рэсурсаў, больш шырокае выкарыстанне аднаўляльных крыніц, пітных, падземных вод. І мы ўвойдзем у дзясятку экалагічна чыстых гарадоў свету".
Нагадаем, што на 2014 год у Мінску прызначаны чэмпіянат свету па хакеі.
