"Дзед Хасан" загінуў за пастаўкі зброі курдам?
СМІ ўсяго свету разглядаюць розныя версіі прычынаў забойства расійскага "крымінальнага аўтарытэта" Аслана Усаяна.
75-гадовы "Дзед Хасан", якога расійскія СМІ называюць адным з лідараў злачыннага свету Расіі, быў застрэлены ў сераду ў Маскве. Куля кілера патрапіла ў галаву, ён памёр у рэанімацыі бальніцы.
Італьянскае выданне "Corriere della Sera" сёння піша пра датычнасць Усаяна да паставак зброі турэцкім курдам (вядома, што крымінальны аўтарытэт нарадзіўся ў Грузіі, ён з'яўляецца курдам па нацыянальнасці) — Рабочай партыі Курдыстана. Нібыта, некалькі дзён таму ў Парыжы былі забітыя трое актывістаў гэтага руху.
"Corriere della Sera" не выключае, што менавіта "курдскі" след і можа стаць прычынай забойства "Дзеда Хасана".