Суды за Дзень Волі: мільённыя штрафы і суткі
У беларускай сталіцы ў панядзелак праходзяць суды над затрыманымі падчас Дня Волі.
Суды прайшлі 25 сакавіка ў судзе Савецкага раёна сталіцы. Антон Цімохаў пакараны штрафам у памеры два з паловай мільёны рублёў, а Алег Асташонак і Аляксандр Кавалёў — па 4 млн рублёў, Сяргей Мокіч — 3,5 млн рублёў, Віталь Станішэўскі за "дробнае хуліганства" атрымаў 5 сутак арышту, украінкі Юлія Грышчук і Юлія Слівінская асуджаныя на 1 суткі арышту, якія ўжо адбылі. Таму іх вызвалілі, але ў аўторак украінак чакае дэпартацыя на радзіму.
Непаўнагадовы ўкраінец Назар Зелінкоўскі атрымаў папярэджанне. Верагодна, заўтра ён будзе дэпартаваны на радзіму.