Чэргі на польска-беларускай мяжы павялічыліся
Каб выехаць з Польшчы, грузавым аўтамабілям даводзіцца чакаць на пераходзе ў Кузніцы 34 гадзінаў, а ў Баброўніках — 32 гадзіны.
На гэтых пераходах знаходзіцца каля 400-450 грузавікоў. Гэта больш, чым у папярэднія 5 дзён.
Аднак, як паведамляе інфармацыйнае агенцтва РАР, сітуацыя на мяжы ўсё ж такі лепшая за мінулыя выходныя. Тады ў чарзе ў Кузніцы і Баброўніках даводзілася стаяць па 40-45 гадзінаў.
Чэргі на мяжы звязаныя з блізкімі святамі. Памежнікі мяркуюць, што, як і ў мінулыя гады, чэргі пратрымаюцца да свята Божага Нараджэння.
Фота — donbass.ua
