Былы беларускі палітзняволены напісаў Пуціну пра Лукашэнку
Экс-кандыдат у прэзідэнты Дзмітрый Ус напісаў адкрыты ліст расійскаму прэзідэнту напярэдадні яго візіту ў Беларусь.
"Лукашэнка будзе ўсяляк перашкаджаць рэалізацыі праекта Мытны саюз — Адзіная эканамічная прастора", — піша Ус. Ён адзначае, што пры стварэнні Мытнага саюза і АЭП Аляксандр Лукашэнка губляе палітычны і эканамічны ўплыў у Беларусі.
Былы палітвязень сцвярджае ў адкрытым лісце Уладзіміру Пуціну, што ў Беларусі не выконваюцца асноўныя ўмовы для стварэння АЭП: свабоднае перамяшчэнне тавараў, паслуг, працоўнай сілы і капіталу.
Паводле інфармацыі Уса, прадстаўнікі малога і сярэдняга бізнесу Расіі пры адкрыцці рахункаў і фірм у Беларусі "адразу трапляюць у поле зроку беларускіх спецслужб, якія цалкам уплываюць на іх бізнес".
Пры гэтым Дзмітрый Ус лічыць, што простыя грамадзяне Беларусі падтрымліваюць Мытны саюз, бо ён з`яўляецца "залогам росквіту нашай краіны", паведамляе БелаПАН.
Нагадаем, расійскі прэзідэнт наведае Беларусь з афіцыйным візітам 31 мая-1 чэрвеня.
На здымку: Дзмітрый Ус пасля выхаду на волю, кастрычник 2011 года. Фота — bymedia.net
