Брэсцкі супермаркет прадае антысеміцкія сувеніры (фота)
На прылаўках мясцовага “Алмі” можна пабачыць сувенірныя статуэткі з выявай чалавека габрэйскай знешнасці і подпісам “Сувенир-Жид”.
Такія “сувеніры” ужо пачалі бянтэжыць некаторых пакупнікоў. Яны лічаць гэта абразаю, а выхадку крамы называюць антысеміцкай.
Супермаркет "Алмі" адчыніўся некалькі тыдняў таму. За такі кароткі тэрмін ён ужо паспеў пабіць усе рэкорды па колькасці складзеных скаргаў. Прычыны незадаволенасці брэстчан самыя разнастайныя: ад працы абслугі да адсутнасці некаторых відаў тавараў.
