Брэстаўчанам прапануюць паглядзець сатырычныя плакаты (фота)
У Брэсце адчынілася выстава дзвюх плакатыстак з Польшчы. Працы экспануюцца ў Музеі выратаваных каштоўнасцяў.
Моніка Старовіч і Богна Отта-Венгжын скончылі Акадэмію выяўленчага мастацтва ў Катавіцэ. Абедзве мастачкі найбольш працуюць у галіне плаката. Моніка Старовіч мае тэндэнцыю да жывапіснага плакату, Богна Отта-Венгжын — да сатырычнага з элементамі іроніі і гратэску.
Выстава ў Брэсце арганізаваная з дапамогай Генеральнага консульства Польшчы ў Брэсце і Польскага інстытута ў Мінску. На ёй — некалькі дзясяткаў плакатаў. Выставу можна будзе наведаць да 16 траўня.
