Блогер Ліпковіч чакае, калі Лукашэнка вызваліць Бяляцкага (відэа)
Відэазварот вядомы блогер размясціў у сваім ЖЖ.
Ён нагадвае, што Аляксандр Лукашэнка абяцаўся выпусціць Алеся Бяляцкага. Умовай для гэтага называлася аплата шкоды, якую суд налічыў арыштаванаму праваабаронцу — 757 мільёнаў рублёў.
Грошы былі сабраныя грамадскасцю і пералічаныя на рахунак дзяржавы. Тым не менш, прысуд Бяляцкаму не быў зменены. Нагадаем, што праваабаронцу звінавацілі ва ўхіленні ад аплаты падаткаў і асудзілі на 4,5 года зняволення з канфіскацыяй маёмасці.
