“Белавіа” адмяніла рэйс у Кіеў з-за снежнай буры
У сувязі з гэтым усім пасажырам, якія маюць у гэтым патрэбу, даюць пражыванне ў гатэлі, харчаванне і тэлефонны званок за кошт авіякампаніі.
“Белавіа” таксама выбачаецца перад пасажырамі, а таксама перад тымі, хто праводзіць і сустракае, інфармуе БелаПАН са спасылкай на старонку кампаніі ў Facebook.
Тым часам у Кіеве з-за непагадзі абвешчаны рэжым надзвычайнай сітуацыі. Гарадскія ўлады адзначаюць, што за апошнія суткі ў сталіцы Украіны выпала 50 міліметраў ападкаў, а гэта болей за месячную норму.
