Белавежская пушча можа быць прызнаная “Цудам Балтыкі”
Біясферны запаведнік трапіў у паўфінал конкурса, арганізаванага нямецкім універсітэтам у Грэйфсвальдзе.
Акрамя Белавежскай пушчы ў ім удзельнічае 31 аб’ект прыроды і архітэктуры з розных краінаў Балтыйскага рэгіёна. Паўфінал конкурсу працягнецца да канца жніўня. Прыняць удзел у ім можна, прагаласаваўшы на гэтай старонцы. У фінал конкурсу “Цуд Балтыка” трапіць 16 аб’ектаў, з якіх ў верасні будзе выбрана 6 пераможцаў.
Адзначым, што ў 1992 годзе рашэннем ЮНЭСКА Дзяржаўны нацыянальны парк "Белавежская пушча" уключаны ў Спіс Сусветнай спадчыны чалавецтва. У 1993 годзе яму прысвоены статут біясфернага запаведніка, а ў 1997 годзе ён узнагароджаны дыпломам Савета Еўропы.
Калі на беларускай тэрыторыі парк “Белавежская пушча” займае 163 505 гектараў, то польскі “Белавежскі парк” займае ўсяго 10 501 гектараў.