Беларускія актывісты хочуць сустрэцца з генпракурорам Польшчы

Пад ім падпісаліся Цэнтр "Супрацоўніцтва без межаў", "Звяз на карысць дэмакратыі ў Беларусі", "Малады Фронт", Беларуская Хрысціянская Дэмакратыя і "Еўрапейская Беларусь. Яны хочуць сустрэцца з Сэрэметам і абмеркаваць шматлікія факты парушэння правоў актывістаў беларускай апазіцыі ў Польшчы.

Ва ўсіх гэтых парушэннях, паводле падпісантаў, вінаватыя пракуратуры розных гарадоў Польшчы. На думку падпісантаў, польскія пракуроры неаб'ектыўныя і негатыўна ставяцца да беларускага руху. Прадстаўнікі арганізацый не выключаюць, што некаторыя такія рашэнні польскія пракуратуры прымаюць у супрацоўніцтве з беларускім рэжымам.

Як прыклады такіх рашэнняў згадваюцца рашэнне пракуратуры ў Быдгашчы пра забарону бел-чырвона-белага сцяга і шматгадовы пераслед беластоцкай пракуратурай беларускага палітуцекача Андрэя Жукаўца.

Таксама беларусы цікавяцца, чаму дагэтуль не пакаралі супрацоўнікаў Генпракуратуры Польшчы, адказных за перадачу банкаўскіх звестак праваабаронцы Алеся Бяляцкага.