Беларуская спажыўкааперацыя загразла ў даўгах
Агульная запазычанасць па крэдытах і пазыках арганізацый спажывецкай кааперацыі складае больш за 800 мільярдаў рублёў.
Такія лічбы былі агучаны на пасяджэнні Прэзідыума Савета міністраў Беларусі. Як паведамляе "Ежедневник" са спасылкай на прэс-службу Саўміна, на 1 студзеня 2011 года агульны дэфіцыт уласных абаротных сродкаў у арганізацыях Белкаапсаюза складае 113 мільярдаў рублёў. Не маюць такіх сродкаў 107 райпо — 91% ад іх агульнай колькасці. Папаўняецца дэфіцыт абароткі крэдытамі і пазыкамі, агульная сума якіх ужо перавысіла 800 мільярдаў рублёў.
Урад даручыў Белкаапсаюзу распрацаваць у двухтыднёвы тэрмін план дзеянняў па ўласным рэфармаванні.
