Беларус, вызвалены з рабства ў Дагестане: я сам хацеў там працаваць
38-гадовы жыхар вёскі Агарэвічы Ганцавіцкага раёна Андрэй Коўш кажа, што працаваў добраахвотна.
А грошы ў яго адабралі ў Беларусі і дакумент з Беларускай амбасады на радзіме не прызналі.
Мужчына, якога быццам бы вывезлі ад дагестанскага рабаўладальніка сцвярджае, што працаваў на цагляным заводзе па сваёй волі. Аб гэтым ён паведаміў у інтэрвью газеце “Ганцавіцкі час”.
Беларус запэўнівае, што ён быў вольны і жыў у прыстойных умовах: “Можна было ісці куды хочаш… Жылі мы ў нармальных умовах, па чатыры чалавекі ў пакоі, і ў кожным з іх быў тэлевізар. Кожны тыдзень мы мыліся ў лазні, кармілі нас добра і раз на чатыры дні давалі па бутэльцы гарэлкі, калі хто гэтага хацеў. Вядома, ж не адмаўляліся…”
Потым прыйшло нечаканае вызваленне і Андрэй Коўш з прыгодамі вярнуўся на малую радзіму.
Варта адзначыць, што падобную гісторыю гастарбайтэр распавёў і афіцыйнай газеце “Савецкае Палессе”.