Азаранка адарвалася ад Шарапавай больш чым на 1 тысячу ачкоў
Беларуская тэнісістка павялічыла адрыў ад пераследвальніц у чэмпіёнскай гонцы WTA.
Перамога ў тэнісным турніры ў Лінцы прынесла беларускай тэнісістцы 279 ачкоў. Агулам Вікторыя Азаранка мае ў чэмпіёнскай гонцы цяпер 10 тысяч 190 ачкоў.
Бліжэйшая пераследвальніца Азаранкі ― расіянка Марыя Шарапава ― адстае больш чым на тысячу ачкоў, яна мае ўсяго 9 тысяч 115 ачкоў. Трэцяе месца займае амерыканка Серэна Уільямс ― у яе 7 тысяч 900 ачкоў.
Што да рэйтынга WTA, то Вікторыя Азаранка лідыруе там яшчэ больш упэўнена, у яе 10955 ачкоў і першы радок. У Шарапавай 9135 балаў і другое месца, Уільямс мае 7900 ачкоў і трэцяе месца.
Фота — wtatennis.com
