Арганізатара акцыі "Стоп-бензін 2" у міліцыі папярэдзілі
Адзін з арганіазатараў акцыі Арцём Шаркоў даў у міліцыі падпіску пра тое, што ён ведае беларускае заканадаўства.
Нагадаем, акцыю "Стоп-бензін 2" ініцыяваў аргкамітэт аб'яднання "За аўто". Як кажа Шаркоў, праваахоўныя органы ўзялі падпіску менавіта ў яго, бо яны сочаць за сітуацыяй і ведаюць "адкуль растуць ногі":
Шаркоў: "Мяне вызвалі зраніцы у ГУУС Мінгарвыканкаму, там з мяне узялі падпіску аб тым, што я ведаю беларускае закандаўства. І калі будуць нейкія парушэнні яго, то я траплю пад адміністрацыйную адказнасць адназначна, а магчыма і пад крымінальную".
Шаркоў кажа, што размова з міліцыянтамі была вельмі канструктыўная і ніхто яму не пагражаў.
