Анатоль Тозік: Крызісу ў краіне няма, ёсць праблемы
Аб гэтым віцэ-прэм’ер заявіў выступаючы перад дэпутатамі верхняй і ніжняй палат беларускага парламента.
Ён падкрэсліў, што перад урадам пастаўлена задача "вырашыць усе пытанні да канца гэтага года". У сувязі з гэтым Анатоль Тозік дадаў, што ва ўрадзе не бачаць падстаў для перагляду прагнозу на 2011-2015 гады, паведамляе “Інтэрфакс”.
Віцэ-прэм'ер адзначыў, што адна з галоўных задач, якая стаіць перад урадам - не дапусціць падзення эканомікі і зніжэння рэальных даходаў насельніцтва.
