Аляксандр Радзькоў паабяцаў не абмяжоўваць у Беларусі інтэрнэт
Першы намеснік кіраўніка Адміністрацыі прэзідэнта лічыць, што закрываць доступ да рэсурсаў сусветнага сеціва не варта.
Пра гэта ён заявіў сёння на брэсцкім абласным адукацыйным форуме, перадае БЕЛТА. Разам з тым, на думку Аляксандра Радзькова, трэба выхоўваць у краіне культуру карыстання інтэрнэтам. Дома грамадзяне могуць выкарыстоўваць усе рэсурсы глабальнага павуціння, а вось на працы інтэрнэт павінен служыць тым задачам, якія вырашае канкрэтны спецыяліст.
Таксама, лічыць высокі чыноўнік, неабходна шырока выкарыстоўваць інтэрнэт у сферы прасоўвання дзяржаўнай ідэалогіі, нацыянальнай культуры.
