Акцыя расійскай апазіцыі ў Маскве завяршылася
Паводле яе арганізатараў, удалося замкнуць “Вялікае белае кола”, за выключэннем участкаў, дзе Садовае кальцо перасякаюць радыяльныя вуліцы.
Паліцыя налічыла 11 тысяч удзельнікаў, паведамляюць інфармагенцтвы. Праваахоўнікі былі лаяльнымі да актывістаў і нікога не затрымлівалі, аднак на праезную частку нікога не пускалі. Адначасова з гэтай акцыяй прайшоў стыхійны аўтапрабег.
Арганізатары “Вялікага белага кола” выступаюць за справядлівыя выбары прэзідэнта Расіі, якія пройдуць у наступную нядзелю, 4 сакавіка.
