Акадэмія МУС: Кібік не пырскаў газам на журналіста
Навучальная ўстанова МУС выступіла са спецыяльнай заявай.
Нагодай стала інфармацыя, што 3 ліпеня на Прывакзальнай плошчы ў Мінску газавы балончык супраць журналістаў выкарыстаў выпускнік Акадэміі МУС Раман Кібік.
Акадэмія МУС афіцыйна заяўляе, што чалавек на распаўсюджанай у інтэрнэце фатаграфіі не Раман Кібік. Таксама паведамляецца, што сёлетні выпускнік акадэміі Кібік увечары 3 ліпеня быў у адпачынку за межамі сталіцы.