Абвесцяць фіналістаў на прэмію Сахарава, сярод прэтэндэнтаў — Бяляцкі
У ліку намінантаў на прэмію імя Андрэя Сахарава "За свабоду думкі" таксама расійская панк-група Pussy Riot і яшчэ 6 праваабаронцаў з розных краін свету.
Галасаванне па фіналістах пройдзе cёння ў 16.00 па беларускім часе. З прэтэндэнтаў выбяруць траіх. Пераможца будзе названы 26 кастрычніка.
Нагадаем, праваабаронца Алесь Бяляцкі ў лістападзе 2011 года быў асуджаны на 4,5 года зняволення за нясплату падаткаў. Бяляцкі віны не прызнаў, заявіў, што ўсе грошы, атрыманыя на ягоныя рахункі, ішлі на праваабарончую дзейнасць. ЕС, ЗША, міжнародныя праваабарончыя арганізацыі лічаць Алеся Бяляцкага палітвязнем і патрабуюць яго вызвалення.
Спіс прэтэндэнтаў тут.
Фота — bymedia.net