27 беларусаў сталі грамадзянамі Латвіі
Як інфармуе Міністэрства ўнутраных спраў гэтай краіны, яны пазбавіліся статуса неграмадзянаў і маюць права на новыя пашпарты.
Агулам латвійскае грамадзянства атрымалі 270 чалавек, большасць з іх — рускія, беларусы на другім месцы. Ім давялося пацвердзіць сваё веданне латышскай мовы, Канстытуцыі краіны, тэксту дзяржаўнага гімну і гісторыі Латвіі, паведамляе сайт delfi.lv.
