Вы тут

Рэкламу з "Пагоняй" у мінскім метро забараніла спецыяльная камісія

Рэклама з "Пагоняй" ад symbal.by / Фэйсбук

Мінскі метрапалітэн стварыў пастаянную камісію па пытаннях размяшчэння рэкламы. І гэтая камісія не дазволіла рэкламнаму агенцтву "Медыя Альянс" размяшчаць рэкламу з гістарычным гербам "Пагоня". 

Пра гэта гаворыцца ў афіцыйным лісце Мінскага метрапалітэна, які апублікаваў у Фэйсбуку кіраўнік крамы symbal.by Павел Белавус

А вось іншую рэкламу ад symbal.by кіраўніцтва метро дазволіла.

"Сёння ў метро на станцыі "Кастрычніцкая" з'явіўся наш новы рэкламны банер з Кастусём Каліноўскім і паролем паўстанцаў "Каго любіш? Люблю Беларусь! То ўзаемна", — напісаў Белавус.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.