Рэдактара сайта orsha.eu Ігара Казмерчака абвясцілі ў міждзяржаўны вышук
![Ігар Казмерчак / facebook.com/ihar.kazmierchak](/sites/default/files/styles/gallery_main/public/2023-08/kazmiarczak-1407.jpg.webp?itok=yHniEtN8)
Ігар Казмерчак / facebook.com/ihar.kazmierchak
У міждзяржаўны вышук абвясцілі праваабаронцу і рэдактара аршанскага незалежнага сайта orsha.eu Ігара Казмерчака, піша праваабарончы цэнтр "Вясна".
Яшчэ на пачатку года Казмерчака абвясцілі ў вышук унутры Беларусі. Падставай стала крымінальная справа за абразу Лукашэнкі (ч. 1 арт 368 Крымінальнага кодэкса). Пры гэтым сам Ігар з'ехаў з краіны яшчэ ў 2021-м.
Міждзяржаўны вышук абвяшчаецца ў межах СНД. Аднак акрамя Расіі іншыя дзяржавы СНД не выдаюць у Беларусь людзей, абвінавачаных па палітычных артыкулах.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.