Раварыста асудзілі за цішотку з надпісам "Дыктатару месца ў пекле"

Раварыста асудзілі за цішотку з надпісам "Дыктатару месца ў пекле"

Працягваюцца суды над раварыстамі, затрыманымі ў Мінску на Цнянскім вадасховішчы 16 траўня.

31-гадовага Канстанціна Сямёнава, як пішуць праваабаронцы "Вясны", асудзілі на 15 сутак. Сямёнаў быў першым, каго затрымалі перад пачаткам гонкі Toure de Tsna. 

У адрозненне ад іншых удзельнікаў велагонкі на яго ў Савецкім РУУСе склалі пратакол на за несанкцыянаванае масавае мерапрыемства, а за пікет. Паводле міліцыянтаў, ён пікетаваў цішоткай з надпісам "Дыктатару месца ў пекле".

Сам раварыст сказаў, што чакаў пачатку гонкі і паспеў толькі зняць верхнюю вопратку, калі пад'ехаў бус і яго затрымалі.

На судзе сведка-міліцыянт "Громаў" казаў, быццам ён "бачыў, як Сямёнаў ехаў сярод раварыстаў у цішотцы з палітычным надпісам".

Дарэчы, цішотку ў раварыста канфіскавалі без афармлення дакументаў. Таксама арыштавалі ровар.

Суддзя Шаціла прысудзіў Сямёнаву 15 сутак арышту.

Напярэдадні іншым удзельнікам гонкі таксама прысуджалі "суткі".

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі